香宮中菜好食馳名國際 - 李八方

  香宮中菜好食馳名國際 - 李八方

萬象之都嘅香港舉世知名,喺香港有二十年歷史嘅九龍香格里拉亦聞名遐邇,連香格里拉裏面嘅香宮中菜廳,最近亦揚名國際。美國酒店業權威雜誌《酒店》(HOTELS)最新「全球最佳酒店餐廳選舉」,香宮躋身十大。《酒店》盛讚香宮嘅主廚葉志祥,集中西菜大成,烹調出絕妙佳餚。
九龍香格里拉嘅公關Christine同八方講,葉大廚十四歲就入行,喺麗晶宮夜總會做學徒,到咗𠵱家,係前政務司司長陳方安生同富商潘廸生慕名捧場嘅大師級名廚。據講陳四萬最愛香宮嘅脆皮雞同紅燒翅。不過《酒店》點名推介嘅,係香宮嘅招牌菜「高湯龍皇果」,用燒唔着嘅日本紙墊住啲上湯同龍蝦,器皿下面用火烘住咁上菜。嘩!諗起都流晒口水。
(圖)據說陳方安生是葉大廚的食客。


傳真︰2623-9278
電郵︰[email protected]