Twins昨日在漫畫節舉行寫真集簽名會，吸引過千名fans到場圍觀，雖然英皇派出五十名保安維持秩序，但由於人數眾多，fans又不斷推撞欄杆，令場面一度混亂。而Twins所推出的五千本寫真集亦迅速沽清，需要補貨。
人氣組合Twins昨日在灣仔會展出席「2002香港漫畫節」舉行的「Twins寫真集首簽日」活動，除吸引了五百名fans一早排隊攞簽名外，現場更擠滿了過千fans圍觀，英皇特別動用了五十名保安在現場維持秩序，不過仍有不少fans試圖推撞欄杆與保安角力，令場面十分混亂。
Twins的fans為支持偶像各出奇謀，其中有十多位男fans更不斷打鑼鼓大喊偶像的名字，頓時令漫畫節鑼鼓震天。簽名會期間，Twins收到fans所送印有「情定今生」字樣的戒指，Twins說：「已經唔係第一次收戒指，其實佢哋冇乜錢，唔應該送珠寶。」
而Twins的寫真集《愛上色彩歷程》昨日在漫畫節推出五千本迅速沽清，最後要動用人手多運數百本到場，對於寫真集獲得好成績，Twins說：「呢啲叫價廉物美嘛！」
此外，Twins將於下月十三及十四日在紅館舉行演唱會，Twins說：「我哋想請成龍大哥做嘉賓，合唱《明明白白我的心》，到時我哋會用盡所有死纏爛打方法要大哥答應。」