最近外國方面有消息傳出，謂福特車廠將會利用於2004年推出嘅新版Focus，作為設計平台去研製新款CapriCoupe跑車及開篷跑車，快者可望於2005年底正式推出；新車除外形極具跑味外，頂級版更會採用一台擁有高達300匹馬力輸出嘅V6引擎，從而增強車子嘅性能表現。
從預想圖中可以睇到，呢款CapriCoupe跑車造型極其流線型，而闊大鬼面罩襯以炯炯有神嘅頭燈，加上大口徑跑車合金胎軨組合，盡現一派高性能跑車韻味；至於車廂方面，除空間寬敞舒適外，當然唔少得重有一雙跑車桶椅啦，不過確實配搭仍有待廠方公布有關資料後，方可作實。廠方亦會為用家提供多個引擎配搭選擇，入門版會以一台2.0公升Zetec引擎（約130匹）作動力核心，另外頂級版將會配用一台，馬力輸出高達300匹嘅3.0公升V6Turbo引擎，以迎合不同用家需要。有興趣嘅車迷，就要留意新車嘅確實推出日期喇。