容祖兒（Joey）和王傑昨日到港台出席「愛港愛講普通話」活動，王傑更即場指導Joey講普通話，Joey並笑言一向喜歡講國語，因為覺得講普通話的女仔好溫柔，她說：「好似啲台灣女仔咁，講個『耶』字都好溫柔，但係自己就講唔到，如果自己溫柔啲就可以有男朋友嘛。」
Joey還自嘲鍾意自己的人，全部都是儍，她笑說：「因為我都係儍嘛，大家都係臭味相投，好似我啲fans都係儍，成日叫我叫到聲沙，搞到要我買番蜜糖畀佢哋。」
此外，問到王傑謝霆鋒有意退休一事，王傑表示雖然沒有留意有關報道，但他覺得霆鋒只因感到壓力大才想休息，王傑亦十分贊成霆鋒應該休息一吓，他說：「佢應該度吓假，唔好諗咁多，最好去水多嘅地方，因為可以滑水，如果我係佢，就會同家人飲茶傾偈，而且佢爸爸喺呢行咁多年，畀多啲意見佢都得。」