邱瑞新在香港漫畫界可說是個異數！在如今市道低迷的時期，仍獨力每個星期出版四本書，還即將推出第五本。他的出品全部都是講義氣、打鬥殘暴激烈的江湖內容；但最奇怪的是，莫如對董建華的又愛又恨。二○○一年，他因變成負資產一族而改畫風，推出二級政治漫畫《董先生》，內容其實也相當暴力，但卻賣出萬多本，諷刺地為他帶來一筆額外收入。
「我在九七年七月一日買樓，之後睇住個市急轉直下，我重要搞到『摺書』來cut成本，我敢話強積金已玩死咗半個香港！」說到香港政府，邱瑞新十分勞氣。今屆漫畫節也有一部關於「董伯伯」的笑話書出版，不過，邱瑞新卻表示「董伯伯」未必再有市場：「今時今日啲人除咗已經笑唔出外，直情連佢個樣都唔想見。正如我睇電視見到佢，都條件反射自動轉台，完全係一種逃避現實嘅行為。」
邱瑞新於八六年入行，當過一個月助理後，便踏上新人夢寐以求的主筆之路，甫上場便寫歡場漫畫，酒色財氣醉生夢死的爛仔世界，而且一寫就十六年。曾經有人講過，香港有幾十萬蠱惑仔，即使十分之一人買書，收入都相當可觀。
「我哋公司一星期出四本江湖漫畫，每本故事雖然獨立發展，但於同一個大江湖內，睇得一本就一定要睇埋其他幾本，我哋已有一班固定讀者。」他希望，「大家日日有公仔書睇，就好似追電視連續劇咁，睇緊同一時空唔同章節下發生嘅故事咁，錯過一集都唔得。」
邱瑞新旗下作品《火武耀揚》等書，以數量和佔有率計，在香港排名第三；年前十分流行的隨書附送刀劍的「創舉」，也是由他開先河，但他覺得潮流已過，故今年只專心創作新書，沒有參加漫畫節。
對未來的看法，邱瑞新在樂觀中似有強烈的無奈：「𠵱家只有兩條路可行，一係做盡，一係放棄！𠵱家政府得人驚在唔知聽日又會做乜？佢哋最先玩死啲低下層（失業），然後中產階級（負資產），跟住到老闆（強積金）！早兩日連上市公司富豪都玩死埋（仙股風暴），全香港死得嘅都死，我真係驚有一日會暴動！」也許邱瑞新是太過憤怒了。
記者：羅穎聰