一直響多用途四驅車（SUV）界享負盛名嘅富士Forester，亞Mark最近收到風，話新一代型號經已秘密抵港，代理正準備響嚟緊8月24日登場㖭！過往鮮有同級對手競爭嘅Forester，雖然新車未正式推售，就殺出部三菱AirtrekTurbo-R，惟代理對新款Forester仍見信心十足，皆因有唔少Fans默默支持嘛！據知，頂級版Forester會以一台2.0公升Turbo偈作主打，配以中冷器（Intercooler）同全時間恒式四驅（AWD），重有內置限滑差速器，馬力輸出177ps/5600rpm，惟扭力響3200rpm時，卻擁有25.0kgm峯值表現，真係唔簡單㗎！加上特輕嘅鋁合金頭冚、原廠真皮座椅、自動車高調控、CD跟MD高級音響等組合，較上一代確實有好大改進噃！聽聞新車嘅賣價亦會響24萬上落，有興趣嘅車迷就要耐心多等一會喇！