近來巿靜，各行各業各出奇謀，就算連地下生意都競爭得好劇烈。聽訴苦Sam講，假鞋商人連二線鞋都唔放過。
假鞋商之前一直啄住關刀科時唔放，質素愈做愈高，以巿場學術語來講，假貨科時巿場已經飽和，商人惟有另謀出路，連日本出得唔多嘅猿人「悲．時打」波鞋都要翻佢一翻，訴苦Sam話呢鋪搞到滿城風雨。
據佢分析，「悲．時打」雖然產量唔多，但一向供求平衡，冇乜大炒作，照慣例應唔會引起翻版佬注意，點知個零月前韓國失驚無神湧批假「悲．時打」出嚟，消息一傳出，連帶水貨舖賣緊嘅真鞋都滯銷，整個「悲．時打」二手交易巿場又告停頓。
「悲．時打」地位唔似關刀科時，冇咁多人認識，好多人連真鞋都未摸過，見到假鞋又點識分，所以fans們只有斬腳趾避沙蟲，將「悲．時打」踢出裏原宿指數十大。
終於假貨商害苦水貨佬，累袁仁祥責重貨，卻益咗日本代官山猿人大腳專門店，以後買真貨嗰度最有保證。不過如果二手巿場停頓，咁一手巿場又點會好生意呢？
主持人：大食Jack
八卦熱報：