許志安、容祖兒、Twins等一眾歌星昨日到旺角出席「903ALLSTARS季後賽」記者會，身為歌星隊隊長的安仔一度拒絕與有「翻版鄭秀文」之稱的新人趙頌茹（阿Yu）合照，令阿Yu尷尬不已。阿Yu更表示俾安仔搞到標晒汗。
許志安、容祖兒、陳文媛（BoBo）、李蘢怡（Tiffany）及有「翻版鄭秀文」之稱的趙頌茹（阿Yu）等一眾歌手，昨日於旺角伊利沙伯青年館，出席由商台舉辦的「903ALLSTARS季後賽」記者會。
眾歌手和DJ先來一場籃球預賽，歌星隊的容祖兒及Tiffany表現落力，不過容祖兒球技麻麻，屢次射球亦不入籃，但結果仍由歌星隊勝出。
但身為歌星隊隊長的安仔在宣布隊員名單時，竟然不知一眾新人的姓名如蕭正楠，要身旁的容祖兒代勞。
在比賽結束後，記者要求安仔與「翻版鄭秀文」阿Yu合照，不過安仔立即推搪並笑說：「影乜鬼呀，我有大把訪問要做呀。」但此時阿Yu早已在等待與安仔合照，安仔此舉令阿Yu尷尬不已。事後，阿Yu表示：「我好怕醜㗎，𠵱家搞到我標晒汗，其實安仔都係我偶像之一，佢份人又靚仔又專一。」
但安仔卻表示並不介意與阿Yu合照，他說：「我點會抗拒呀，只不過我要先做訪問，其實我都唔覺得阿Yu似Sammi，佢又高又有氣質。」最後在記者拉攏下，二人終於肯合照。
而有傳黃柏高離開正東一事，安仔說：「佢老人家都未講嘢，事實上我哋已經昇華到冇合約喺身嘅階段。」
另外，日前有關張燊悅與前公司星皓展開罵戰一事，星皓旗下歌手黃伊汶表示：「我覺得張燊悅唔麻煩，佢亦唔係反骨，只不過要求多，其實要求多唔係唔好，因為有要求公司先會知你諗乜，但係峰哥（指王海峰）都有同我講佢唔開心，而且佢都好想挽留嗰啲唔續約嘅藝人，可能今次真係雙方唔夾。」
採訪：李珮洳 攝影：羅德光