香港𠵱家好重視旅遊業，港台喺呢方面都話想出一分力，最近委任咗幾十名大專生同預科生做「普通話大使」兼導遊，帶啲內地遊客遊覽香港名勝，重拍埋電視節目。佢哋一邊透過電視片教市民普通話，另一邊向佢哋推廣香港嘅好客之道，實在是一舉兩得。
昨日班小導遊大爆帶團期間發生嘅許多趣事。其中有個小導遊許麗珊同八方講，佢哋帶團去到馬騮山，本來香港人都怕咗啲馬騮，驚會被咬，一見到就走夾唔唞。不過啲內地遊客就啱啱相反，見到馬騮就鬼咁興奮，係咁追住啲馬騮影相同逗佢哋玩，馬騮反而驚番轉頭喎。
（圖）港台委任一班大專生及預科生做普通話大使，兼做內地遊客的導遊。 夏詠怡攝
傳真︰2623-9278
電郵︰