中國女仔通常臀部比較大，腿又比較粗，咁究竟着啲乜嘢衫可以遮掩呢？有我NelNel張學潤喺度梗係有辦法啦！
呢類身形想着裙都得，但係就千萬唔好着百褶裙。若你真係好想跟潮流嘅話，咁就要揀啲大褶嘅，不過最好聽我話，着中、低腰修身嘅A字裙，顏色唔好太鮮豔。至於裙嘅長短就要視乎小腿嘅粗幼同美醜度，若果小腿真係唔靚又或者好粗，着短裙其實係可以配啲中長度嘅靴。
不過臀大嘅都係着褲好睇啲，但係唔知點解有啲女仔會覺得着高腰褲可以遮掩臀部，咁就大錯特錯，因為咁樣顯得臀部更大，後面睇成個啤梨咁重肉酸。其實可以選擇着一啲中腰或低腰褲，褲身最好修身設計，小喇叭咪幾好睇。
各位姊妹記住一句格言「籮大腿粗唔係罪，記緊衣衫識得配」。
（五之二）
口述：張學潤
筆錄、攝影：馮美茵
示範：湯寶如
服裝提供：D-MOP、VivienneWestwood
髮型：CalvinbyT??
化妝、場地提供：BeautySquare