陳曉東（東東）、方力申、李彩樺（阿Rain）及周麗淇等，昨日在灣仔會展出席「2002香港漫畫節」舉行的「百分百全情賽」活動，原本大會安排四位主角與online遊戲優勝者鬥玩賽車遊戲，不過最後只有東東及方力申與參賽者比試，結果兩人因多次撞車及翻車而落敗。
東東說：「本來重有一個簽名會，不過大會驚人流太多會引起混亂，所以只能安排喺台上同fans打招呼同玩遊戲，而唱片公司就用咗幾萬蚊幫我搞個攤位賣唱片。」
此外，問周麗淇對於臨時取消她與阿Rain玩賽車，會否覺得重男輕女，周麗淇說：「戲入面講Jerry（由東東飾演）玩賽車，都啱番個角色，而且女仔玩賽車又唔係咁叻，無謂獻醜啦！」