賭王四姨太梁安琪近期相當活躍，較早時八方已講過佢有份搞的大班芬蘭浴室過江，在信德中心開設新店，點知昨日收到一宗消息，原來四姨太對上市公司甚有興趣，已入股即將招股的盈新娛樂。她與陳澤武各佔半數股權的一間公司持有百分之十一的盈新股權。
據悉，四姨太今次不但做主要股東，重入埋董事局，稍後出任執行董事。八方印象中記得四姨太從未做過上市公司董事，今次肯破例，盈新係咪好有來頭？呢間公司做乜，原來就係持有番禺森美反斗樂園的控股公司。呢個樂園前身便是飛圖夢幻城，係咪好有趣呢?
由於要做董事，四姨太要公布一個鮮為人知的秘密，便是她的年齡。原來她今年只有三十九歲，較賭王年輕接近四十年。
傳真︰2623-9278
電郵︰