如果大家有留意開賽車運動的話，都應該會知道今年世界一級方程式賽車，除法拉利首席車手舒密加，提早取得全年總冠軍外，亦幾乎可以肯定攞埋車隊同車手嘅冠軍殊榮，你都咪話唔厲害。相對地，法拉利嘅跑車同樣令人有感叫好又叫座㗎！而被譽為係550Maranello強化改良新版嘅575MMaranello，亞Mark聽聞已有數部新車抵港；呢部同樣用上V12偈嘅超級跑車，引擎容積較原有550Maranello多出274cc（達5748cc），輸出更增至508匹，0-100公里加速亦不過4.2秒咋！佢除咗引擎、冷卻同排氣系統有改良外，一套電子懸掛裝置表現亦見出色㗎！定價270萬嘅575MMaranello據知亦不乏捧場客，遲吓代理重會搞個Launching，好等法拉利嘅Fans能夠一睹新車嘅風采呢！