謝霆鋒的經理人彭淑霞（Polly）明日將離職，日前有傳張衞健的弟弟Henry將會做霆鋒的新經理人。昨日Henry到商台接受《茶煲裏的查篤撑》訪問時，承認有意做霆鋒經理人。
主持人查小欣問到Henry會禁止霆鋒做甚麼事時，他竟說：「叫佢唔好揸車，暫時低調少少，如果要鬧人就叫側邊嘅人鬧，如果要打人就叫側邊嘅人打，平時見到記者就唔好黑面，只係畀個微笑，其他嘢我會處理。」事後Henry表示只是講笑，若真要打人，他會俾阿哥鬧。
Henry透露初時他哥哥張衞健及很多前輩都反對他加入英皇，他說：「因為佢哋覺得我嘅性格唔係好啱呢間公司，我唔怕人哋話呢間公司人事複雜，我又唔係爭權。」但英皇經理人部門高層霍紋希昨日則稱未落實聘請Henry。
採訪、攝影：駱華齡