鄭秀文昨日出席MAXFACTOR記者會時，對於有報道指她在一間賣古董衫的店內，試穿三十件衫並拍下了大量寶麗萊照片，但最後一件衫都沒有購買，她的經理人郭啟華則解釋謂那批衫尺碼太大和很難改。
鄭秀文（Sammi）昨日往尖沙嘴洲際酒店出席MAXFACTORAquaLipSilks「水凝完美櫻唇」記者會時，笑言這次拍廣告賺取豐厚酬勞，絕對需要付出代價，Sammi說：「今次呢個新廣告有三個唔同嘅造型，但係我要連續四日，每日拍十個鐘，拍攝場地又好凍，都幾辛苦㗎。」
Sammi續說：「不過好彩拍出嚟嘅效果好好，尤其係搭出嚟嗰個布景，好真實，好接近大自然，即使拍嘅過程咁辛苦，都係值得嘅。」近期大部份女星拍攝美容化妝品廣告都稱有七位數字酬勞，如李嘉欣拍攝美津村廣告便是一例，對此Sammi說：「我唔知呀，你哋問返李嘉欣啦。」
另外，昨日有雜誌報道指Sammi接拍電影《我左眼見到鬼》前，曾與助手及美指余家安到位於中環的一間專賣古董衫店舖，期間Sammi挑選了三十件價值共十多萬元的古董衫試穿。每當Sammi試完一件衫，她們一干人即用寶麗萊相機拍照，但最後Sammi卻一件都沒有買。
上述報道又指正上映的《我》片中，Sammi的戲服均與該古董店所賣的衫十分相似，似有刻意抄襲衫款之嫌，對此Sammi昨日氣定神閒的說：「我唔會回應呢啲無聊嘅新聞，唔會咁蠢因為呢啲報道影響心情。」
而在場的Sammi經理人郭啟華則說：「嗰批古董衫size太大，好難改，而且我哋根本冇應承過會買呢批衫。」