𠵱家失業率咁高，大學生都隨時冇嘢做。理工大學為咗增強學生嘅市場競爭力，早兩個月辦咗第三次嘅「青雲路」領袖訓練計劃。八方問學生學咗啲乜，佢哋話校方規定唔准透露學習內容，總之令到自己增強信心，學到團隊精神，勇於面對逆境咁話喎，真神秘。
不過，都有學生肯爆料，其中一項活動係要唔帶錢出街，用真誠打動生果店畀啲生果，等佢哋帶去老人院探老人。有個貌美嘅女學生話，佢哋曾經想由馬鞍山去威爾斯醫院，經過巴士站見到只有一位染金髮嘅大漢等車，佢哋硬住頭皮上去問呢位大哥可唔可以幫佢哋七個人畀埋車錢，點知呢位大哥諗都唔諗就一口應承，本來七個人要二十幾蚊，金毛大哥因為冇散紙，入咗張紅衫魚落錢箱㖭，真係人不可以貌相。
傳真︰2623-9278
電郵︰