名氣係人都想擁有，不過名氣太大就唔係人人都適應到，好似阿松同小伏都要匿埋結婚。八方噚日見到何志平，佢太太胡慧中係藝人，同伏明霞一樣都屬有名氣人物。記者問到佢兩夫婦都係公眾人物，有乜應付壓力嘅心得教吓阿松，何志平連忙話自己唔識教人。記者再問佢有冇祝福阿松，佢做咗個「o殊」嘅手勢就走咗去。其實何局長已經示範咗，就係要保持低調囉。
講開名人結婚，又真係幾多人走去夏威夷拉埋天窗。例如世界首富微軟嘅比爾蓋茨兩公婆、香港立法會前議員李永達（與前妻再婚時）、財經界王守業夫婦等人，都喺夏威夷緣訂終身。唔通喺夏威夷發下嘅結婚誓言零舍靈驗？
．比爾蓋茨夫婦
．王守業與夫人嚴君琴
．陳方安生姨甥女陸介琳，與保良局前主席梁王培芳幼子梁振志
．李永達與前妻陳樹英復合
．日本女星葉月里緒菜與壽司師父王君
．息影女星上山詩鈉與任職警察的丈夫孔小寶
（圖）唔知阿松兩公婆有冇喺夏威夷沙灘漫步呢？
傳真︰2623-9278
電郵︰