有人話做後備無得落場打，很不好受，我又不是這樣看。一場比賽四十分鐘，冇可能係正選嗰五個打晒，一定要有後備球員補上，而且我覺得做後備比做正選難，熱晒身又要坐番低，有時候坐到人都凍晒，上到場真係好難有好表現。
睇完雄獅對野狼呢場波，令我諗番以前做後備嘅日子。相信每一位球員都曾經做過後備，沒有人能夠一學打籃球就做隊中的正選。我也不例外，不論是代表學校、甲一球會或出外比賽，我都做過後備。
其實後備球員唔係真係坐喺度，除咗要幫在場打緊波嘅隊友打氣之外，重要做足心理準備，因為教練隨時派你上場。昨日雄獅對野狼呢場波，雄獅嘅後備真係做足100分，不停為隊友打氣，防守時就一齊喊defense、defense，進攻入波之後又一齊跳起，振臂高呼，士氣大增，現場觀眾見到又叫埋一份，令到氣氛好好。所以各位後備球員唔需要因為自己係後備而感到不快，反而應該要積極做好準備同隊友打氣。
甲一組永倫得分後衞 潘浩賢