昨日謝偉俊偕白韻琴（白姐姐），以及大律師胡漢清的妻子余慧敏及其子女等，分別出現金鐘。
余慧敏昨日偕同子女往金鐘太古廣場購物，當她甫見記者拍照，為保護子女免被攝入鏡，即說：「你哋唔好影小朋友呀。」
而謝偉俊與白姐姐昨日繼續為律師樓找新舖，白姐姐說：「我哋見市道咁差重擴充新舖，無非係想製造多啲就業機會啫！我呢排日日忙緊為請新職員進行面試。」
白姐姐續說：「喺二百幾個求職者中，會請十幾個人，但係面試過程中真係覺得好傷感同無奈，因為好多嚟求職嘅人，以前都係喺大律師行做嘅，𠵱家佢哋減一半人工都肯做，我同啲求職者重試過傾到喊㖭。」此時白姐姐更一時感觸，淚灑街頭。
採訪:FredaLee、RitaLeung、JessicaNgan
攝影:RickyChan