我Apple姐一直都好唔明白，梁朝偉同劉嘉玲呢一對性格咁唔同，一個愛靜、一個愛蒲，但係佢兩個嘅感情都可以維持到咁耐，唔知係咪因為各有各嘅空間呢？ 全男班飯敍 早排我睇報紙見劉嘉玲同兩個猛男喺金鐘歎茶，飲餐茶咁普通嘅活動都冇偉仔份；而偉仔出街食飯，原來都一樣冇預嘉玲份嘅。 就上個禮拜之嘛，我同班姊妹去銅鑼灣間「DaDomenigo」意大利餐廳食飯時，就遇見偉仔同班friend喺度，嗰晚清一色全男班。唉！偉仔同嘉玲呢一對，真係名副其實各有各嘅生活啦。