亞視舉辦的《夏日陽光美少女》繼日前一件頭泳衣後，昨日十位美少女均以三點式泳衣亮相，其中年僅十六歲的1號陳碧嘉（Mandy）以其三十五吋上圍，力壓三十四吋半上圍的Rachel。
亞視舉辦的《夏日陽光美少女》昨日於亞視總台進行宣傳，十位美少女均以三點式泳衣出席，大會更特別安排一輛古董開篷勞斯萊斯，實行香車配美人。
十位美少女昨日以三點式上陣，其中1號陳碧嘉（Mandy）雖然只得十六歲，但已擁有三十五吋上圍，力壓三位外籍參賽者，包括三十四吋半上圍、來自英國的Rachel。問到Mandy是否有感為港人爭光時，她笑言：「唔好咁講，大家都係玩遊戲，我同佢哋都係朋友，我冇為自己嘅身材而自豪，呢啲都係媽咪遺傳問題，我依然都好努力咁減肥，希望瘦多五磅就最好。」
此外，2號甄曦（Carey）甫出場時不慎露出體毛，經保母提點後才發覺。問到Carey為何未有做足安全措施，她緊張地表示：「我都知，我自己唔會剃晒，點算呀！自己好少着泳衣嘅經驗，唔好意思，希望大家體諒。」至於會否考慮剃光時，她笑言：「剃唔剃都要再考慮，唔會講畀你哋聽。」
問到亞視綜藝科總監梁啟業會否要求參賽者徹底清潔時，他表示：「唔小心啫！我哋會注意吓。我哋形象方面都有責任嘅，以後會小心啲，畀多件衫佢哋去遮掩蓬勃嘅位置。」採訪：王崇穎
攝影：何國豪