鍾鎮濤（阿B）日前被台灣一本周刊指其友人爆料，謂阿B去年曾到台灣花天酒地，並且在夜總會公然吸食藥物，更被一辣妹搭上，二人火速進入洗手間有親暱舉動。
其後該辣妹向阿B的友人表示阿B要依靠藥物重振雄風，阿B聽罷上述報道後便哈哈大笑，他在電話中說：「黐線，離晒譜，你咁問我，叫我點答？十個男人都會話自己好掂，你見到我女友問佢囉，佢最清楚。食××？佢有冇相呀？我唔知台灣係咪可以亂咁寫嘢，唔使負責，我會同律師商量。」
昨日阿B女友范姜在中環出現，她對上述報道亦覺好笑，她與阿B口徑一致，只說：「黐線，嘥氣！」
此外，章小蕙昨日在中環打理時裝店時，對於前日裕泰興老闆羅守耀接受本報訪問時讚鍾鎮濤，但卻暗寸她，她說：「𠵱家冇乜嘢會好過借我宣傳，好多人想利用我，但係我唔想俾人利用嘞！總之𠵱家我開始五『不』政策，就係不要知、不要聽、不要理、不要看、不要回應。」