暑假殺到，旅行玩樂期間，一定拍下不少靚相。今時今日數碼相機流行，影到的靚相除了可以在電腦看之外，亦可打印出來日日對住。HP宣布推出兩部新Printer，打印質素絕對拍得住傳統相片。
記者：徐影龍
第一部名為Deskjet5550，屬A4系列中較高級機種，最大特色係具有4,800dpi優化打印技術，配合最新嘅PhotoREt4色彩叠印技術，在不同質素紙張上都可有理想效果，因為HP開發嘅色彩叠印技術，比傳統只得8個原色組合嘅二元打印法（BinaryPrinting）更優秀，達到3,500種原色變化度，打印高質相片時，毋須在同一點噴上大量墨點，就算用普通A4影印紙，都唔會出現濕到過底嘅情況，亦可大幅節省墨盒嘅消耗。
跟機附有一個黑色及三色墨盒，若用家要求較高，可另外選購對應嘅HP相片墨盒，由四色變成六色打印機，印靚相更為細緻動人。新機重有一樣過人之處，就係入紙位設有一個光學感應器，配合HP開發嘅光學式紙張感應技術，懂得按紙張類別而改變打印設定，如解像度、色彩、尺寸等，可免致用家不小心錯誤設定打印紙，從而減少時間及紙張嘅浪費。
另一部名為PhotoSmart130，主要作流動式相片打印用途，機身設有記憶卡插槽，可直讀市面最流行嘅五款記憶卡，毋須接駁電腦或數碼相機，便可即時打印心愛靚相。由於打印尺寸為4"×6"，約莫等於傳統相片嘅3R尺寸，所以機身設計亦可做到小巧輕盈，毋須為安放位置傷腦筋。PhotoSmart130亦具備最新嘅4,800dpi打印技術，在3R相片上發揮足以媲美傳統相片，加上支援四邊無邊打印，最適合喜愛將相片打印出嚟欣賞嘅用家。
HP（HK）
查詢電話：25997066