食力簡有自知之明 - 李八方

  食力簡有自知之明 - 李八方

自認最夠「食力」嘅練馬師簡炳墀,響○二至○三年馬季完咗之後,就會正式退休,而佢亦一早講明,退休之後會向政壇發展。近期除咗見到佢上電台同頻頻開會,討論雙村長問題外,噚日又喺馬場,向記者展示一份全國人大委員會寄畀佢嘅文件,話想佢申請加入人大喎。
「食力簡」重話,本來想參加選舉,成為港區人大三十六位代表之中的一位,但恐怕目前未必會得到所需票數,所以惟有做住選民,投票選出代表先,時機成熟時才參選做代表。
八方都覺得,食力簡如果做到人大,咁就隨時可能改變歷史──個個人大代表都唔多句聲,但「食力人大」就隨時可以企響人民大會堂內力數各種不是,你話唔好咩?


傳真︰2623-9278
電郵︰[email protected]