Apple姐日記：
Danielle東瀛發展冇排場

我Apple姐噚日咪寫過本地模特兒樂基兒喺日本好似發展得唔錯咁嘅，其實成日同佢好似孖公仔咁出現嘅混血名模Danielle，喺日本嘅成績都唔曳㗎。

坐巴士出東京
話說我早排去日本嗰陣，咁啱得咁蹺同阿Danielle坐埋同一班機，佢正正經經唔蒲嗰陣，個樣真係好清秀㗎！雖然Danielle喺日本嘅起步都唔錯，但係我見佢落機後，都唔係話好有排場咁有助手嚟接機，佢同一般遊客一樣，都係乘搭車費三千日圓（約一百九十五港元）一程嘅大巴士出東京，好鬼平民feel㗎咋。