作為觀眾，當然想看到比賽中有球員「show料」，表演出神入化的球技，像「crossover或nolookpass」等。這些高難度的動作都可以取悅觀眾，搏到不少掌聲及歡呼。但是在勝利和歡呼聲之間，球員們應該選擇哪一樣呢？當然，得到勝利再加上觀眾的認同是最好不過，可是有些球員會被那些掌聲充昏了頭腦，令他們忘記了比賽的最終目標是勝利！
正如昨日野狼對雄獅之戰，雄獅就是輸在太過花巧，過於着重炫耀個人球技而導致頻頻turnover，應該要入嘅波又入唔到；雖然到第四節尾段終於醒覺，打出了一個非常積極嘅全場緊迫，可惜為時已晚，最後以一分飲恨。
相反，野狼隊球員的打法簡單而直接，球員之間又多作鼓勵，所以打得比較穩定，可惜不懂控制比賽節奏。喺第四節野狼領先成十分，雄獅因為要追分，所以打得較快；唔知點解，野狼見到對方快，佢哋又快，搞到自己陣腳大亂。
其實嘅球員應該閱讀比賽節奏，見到自己個隊贏緊咁多分就應該慢慢組織好攻勢，這樣就唔會搞到自己同埋班球迷都心驚膽跳啦！
文：潘浩賢（甲一組永倫後衞）