中大娛樂控股有限公司，昨日於灣仔君悅酒店，公布將在創業板上市的計劃事宜，出席者包括該公司的主席蕭聯發，以獨立非執行董事身份出席的趙金卿，及以金英融資（香港）有限公司保薦人身份出現的陳綺薇（Emily）。
與富婆寶詠琴私交甚篤的Emily，昨日透露寶詠琴將有新的生意大計，而她亦會幫手，Emily說：「寶小姐𠵱家身體唔錯，佢今次嘅新大計係有關實業方面嘅投資。」問及寶小姐會否因休息太久，做生意方面有所生疏，Emily說：「點會呢，寶小姐做生意咁叻，係一生一世嘅，就好似一個人識游水咁，你幾時掉佢落水，佢都會識游㗎。」
至於最近中建老闆麥紹棠與劉德華的官司訴訟，Emily當年是撮合二人合作的人，對此她昨日說：「我知佢哋都係對事唔係對人嗰種人，呢件事希望佢哋可以和平解決啦。」