日前有周刊報道指一名外籍商人欲以一千萬照顧章小蕙（Teresa），對此Teresa昨日下午於中環接受記者訪問時說：「一千萬乜嘢紙先？我記得當日嗰本周刊個記者鬼鬼祟祟咁走嚟同我講，佢話畀我知有個外國商人想畀一千萬照顧我，我即時問佢究竟係傳媒定淫媒，之後我重叫佢幫我買衫㖭。」
Teresa續道：「我覺得呢件事好荒謬，邊有咁大隻蛤乸隨街跳呀，其實吳君如都養緊我，因為佢幫我買衫，佢都話佢咁做係養緊我全家。」
此外，Teresa表示希望早日向子女解釋近日發生的事情，她說：「我已經應承佢兩個無論點都好，關於佢哋讀書、朋友同埋興趣班嘅所有嘢都唔會有改變。就算阿B冇錢交學費（子女的學費一直由阿B支付），我都會自己辛苦啲，始終我都唔想對仔女有任何影響。」
採訪、攝影：李珮洳