香港交易所上周四推出細價股除牌諮詢文件，搞到啲股仔直插，好多股民身家唔見一大截，雖然港交所後來暫時撤回諮詢文件中有關除牌條件部份，但因為咁而損手嘅股民就補唔番。裕泰興財務董事總經理羅守耀，噚日同八方講起呢次細價股大跌，佢有朋友搞到要破產咁滯。
羅守耀話佢出嚟講嘢本來唔係好方便，因為大家會覺得，要撲水嗰個又唔係佢，講就口爽。但佢話因為呢輪香港太多人破產，所以佢覺得有必要講吓嘢，佢語重心長咁話，個個人都想好似李嘉誠咁發達，但係就冇諗過自己有冇能力，淨記得人哋成功，但唔知道有好多人失敗做咗墊底嗰個，所以佢勸大家做乜嘢投資甚至投機之前要都諗吓風險，要預咗有最壞嘅情況發生。
﹙圖﹚羅守耀關注港人破產問題。
傳真︰2623-9278
電郵︰