一直只聞樓梯響，而不見有車來嘅新款福士Beetle開篷版，最近外國就有消息傳出，謂廠方將於明年1月舉行嘅美國底特律車展，將呢款車迷期待已久嘅新車曝光。
從相片中可以見到，新款Beetle開篷版賣相與原有型號相近，除來得別致圓渾外，車身上嘅電鍍裝飾以及開關容易嘅軟篷頂設計，亦能為其增添多一份吸引力。車廂布局亦會與現有Beetle相同，唔單止空間寬敞，車上嘅設備亦見齊全易用，從而為車上乘客帶來不少方便。然而，廠方亦會為用家提供多個引擎配搭選擇，當中包括1.4（馬力75匹）、1.6（馬力101匹）、2.0（馬力115匹），同埋頂級版一台1.8公升Turbo引擎（馬力150匹），以迎合不同需要。
各位福士Beetle嘅Fans，就要留意明年1月舉行嘅美國底特律車展喇。