舊年結業嘅中環富麗華酒店舊址將重建為商業大廈，大家可能早就知道，但新廈點稱呼，睇怕就唔係個個都知，事關發展商噚日至正式公布新廈叫AIGTower。八方自然最想知新廈乜款，特別去記者會收料。
發展商之一嘅美國國際高級副主席謝仕榮同八方講，新廈樓高三十九層，外形有如一隻帆船，象徵香港作為貿易港口的傳統，係由設計香港會議展覽中心的Skidmore,OwingsandMerrill建築設計事務精心設計。
佢重話，新廈最大特色在於向美利道的東面外牆呈弧形，重有一系列伸延到頂層嘅魚鰭設計，樓頂重有強力射燈發出光束，夜晚睇更正。八方當然畀讀者先睹為快啦！大家對呢個設計有乜睇法呢？不妨同八方分享吓。
﹙圖﹚圖片由富麗華酒店提供
傳真︰2623-9278
電郵︰