「屋企有電腦用，以後做功課方便得多嘞！」蔡氏兄弟日前獲贈電腦時異口同聲說。蘋果日報慈善基金早前贊助香港小童群益會舉辦的「人人有腦」工程計劃，近日展開轉贈電腦行動，蔡氏兄弟及阿惠率先獲贈電腦，預計在九月新學期開課前，將陸續送出一百三十部電腦，令一眾貧家子弟，得以擁有電腦在家中學習。
日前，三位義工在小童群益會社工羅兆泉帶領下，依時抵達蔡家。他們小心翼翼地將屏幕顯示器、電腦主機、鍵盤及滑鼠器配件搬進屋內，隨即把各配件接通電源，然後向蔡氏母子示範電腦基本操作。
「我哋幫部機裝咗Windows、Word同Excel，你哋click吓啲掣就用得㗎。」「記住開着咗Windows，至入磁碟操作。」義工細心地講解。
年約四十歲的蔡太，看見兩兒安仔與健仔專心聽教，獲贈電腦應用，由衷地說：「屋企環境唔好，冇能力買電腦。𠵱家你哋有部咁靚嘅電腦送畀我兩個仔，真多謝！」
蔡太自丈夫早前工傷後，一家四口僅靠綜援金過活，需節衣縮食，難有餘錢負擔購買電腦費用。
如今蔡家獲贈電腦，十四歲長子安仔向記者微笑道：「我同細佬可以趁𠵱家放暑假，睇書學習電腦中文打字；遲啲開學之後，我哋就唔使經常要喺學校留堂做電腦科功課。」安仔與胞弟暑假後將分別升讀中二及小六，兩人一向品學兼優。
另一位獲贈電腦的十五歲學童阿惠，興奮地說：「無諗過咁快收到讀者捐出嚟嘅電腦，呢個假期我唔使坐喺屋企咁悶，可以學吓設計一個私人網頁；遲啲做功課嗰陣，遇到唔識嘅地方，又可以即刻上網搵資料，學多啲嘢，真係好方便。」
阿惠告訴記者，她自小學五、六年級開始，每周均有數天要留在學校，排隊輪候使用電腦做功課，令她極感不便。
惠父袁先生早年在內地結婚，婚後移居香港，從事搬運工作超過二十年，收入微薄。袁先生近年退休，一家三口依靠五十歲惠母做清潔工人維持家計，生活捉襟見肘。
蘋果日報慈善基金早前撥款逾十四萬元，資助小童群益會長沙灣青少年綜合服務中心展開為期六個月的「人人有腦」工程計劃，培訓電腦維修義工及回收電腦，轉送貧困及低收入家庭。
暖流熱線
電話:29908688
傳真:23702192
電郵:
網址：