本報噚日報道重有兩個月就會喺英國推出第三代流動電話（3G）服務嘅和黃，佢哋嘅3G網絡客戶要用漫遊同其他現有網絡通話嘅時候隨時可能斷線後，啱啱喺加拿大溫哥華度假嘅和黃「大班」霍建寧大為緊張。八方收到風，霍大班昨日特別越洋澄清，分別與證券分析員、基金經理及傳媒解釋，話和黃第三代流動電話網絡測試已經進入關鍵時刻，重話比起𠵱家用緊嘅網絡，新網絡嘅斷線情況已較為輕微，佢重話，斷線現象對公司亦唔係乜嘢大問題，最緊要係畀用戶一個滿意嘅服務咁話。
八方覺得霍大班呢位年薪估計起碼兩億嘅打工皇帝，連喺冇雷公咁遠嘅溫哥華放假都咁緊張公司業務，可見佢老闆「超人」李嘉誠肯畀霍大班咁高薪唔係白畀嘅。
﹙圖﹚估計霍建寧年薪最少二億。
傳真︰2623-9278
電郵︰