康華日前到海南島拍攝旅行社廣告，她在當地南灣猴島拍攝期間，無意間惹怒一隻馬騮，牠爬上樹狂搖樹幹外，又怒視康華，更想撲前襲擊她，工作人員即時制止，但已把康華嚇個半死。
康華日前到海南島為旅行社拍攝廣告，她花四天工作賺了約六位數字酬金，該廣告將於下月播映。康華今次是第二次到海南島，在旅行社的安排下，她表示此行寓工作於娛樂，拍得十分開心。
問康華在海南島拍廣告是否有趣事？她昨日在電話中說：「有一日去咗南灣猴島，見到好多馬騮，佢哋通山跑好活潑，就好似香港嘅馬騮山一樣，不過當地嘅風景就靚啲。我見其中一隻馬騮好得意，於是我咪笑笑口同佢打招呼，點知佢唔知係咪以為我取笑佢，突然發難，佢首先爬上棵樹度猛咁搖棵樹，發脾氣，之後又想撲埋我度，真係嚇我一跳，好彩即時有工作人員過嚟拉住佢。」
康華更特別買了一批旗袍和具備中國特色的服裝拍廣告，她又到訪國家主席江澤民曾光顧的服裝店，在江澤民的照片前扮跟對方握手合照，十分搞笑。
據知康華拍攝這個廣告得到六位數字的酬金，她說：「數字嘅嘢唔方便講，總之係一個開心價啦。」康華又表示在海南島拍攝期間，她在一間設備豪華的水療中心享受spa，她說：「嗰幾日真係好歎、好好玩。」
採訪：比華利