八方去睇富麗華酒店重建後嘅新貌，由於呢個項目發展商之一係麗新發展主席林建岳，八方同班行家自然最想問岳少有關林伯（林百欣）分身家一事，同埋tom.com收購亞視的進展，但係活動一結束，岳少就走到影都冇埋。
八方諗住今次食梗白果之際，點知喺君悅酒店電梯大堂碰到tom.com的大股東之一嘅周凱旋喺兩個保鑣護送下準備入電梯。八方同幾個行家當然唔放過機會，問佢收購亞視嘅最新進展，佢諗咗一陣，好認真咁話「好難答你」。當攝記舉機影相時，佢笑住咁話：「今日唔好影啦，成朝都無梳頭。」跟住又問八方同幾個行家係邊家報館，點解喺君悅出現。
﹙圖﹚周凱旋唔肯答有關收購亞視嘅問題。
傳真︰2623-9278
電郵︰