昨日幾位紅模包括周汶錡（Kathy）、Rosemary及「啤妹」蔣怡等，於灣仔會展示範現代經典及儷都婚紗的作品。Kathy表示雖有婚紗公司邀她與男友杜德偉合拍婚紗照，但她最後也拒絕，Kathy戲謔：「最怕到真正結婚嗰陣，新郎唔係佢。」
名模周汶錡、Rosemary及「啤妹」蔣怡昨日齊為假灣仔會展舉行的「香港婚紗暨新婚理財博覽2002」擔任模特兒，示範現代經典及儷都婚紗的作品，三人雖然示範婚紗已無數次，但均表示仍未感厭倦。
周汶錡（Kathy）表示入行後，曾有婚紗公司邀請她與男友杜德偉以情侶檔姿態拍婚紗照，但最後兩人還是婉拒了對方，Kathy講笑說：「最怕到真正結婚嗰陣，新郎唔係佢（指杜德偉）啫。」但她隨即說其實已視杜德偉為結婚對象，她說：「我心目中嘅dreamwedding係連續兩日喺沙灘搞嘅，個個賓客都着住泳衣就最好玩喇，不過未來兩三年我都冇結婚嘅打算。」
而「啤妹」蔣怡與男友翁狄森正在熱戀，昨日她也是由男友送抵會場，問她男友如此疼錫她，會給男友幾多分？蔣怡說：「開心時就畀二百分佢，如果嗌交時就畀五十分佢。」
蔣怡亦與周汶錡口風一致，表示未有結婚打算，她說：「都係𠵱家拍拖自由啲，生BB我就更加唔敢諗，責任太大啦，我寧願好似𠵱家咁，養狗好過。而且我試過參加過好多朋友嘅婚禮，真係好煩，見到對新人又要敬酒又要俾人玩，成晚都未停過，我第時都寧願旅行結婚好過。」至於Rosemary則未有談及對結婚之憧憬，只表示閒時會跟熱愛音樂的男友Gordan學彈結他。