「早在thepancakes成為一個傳奇之前，我們（假音人）經已是一個傳奇。」說這話的是假音人的鼓佬肥仔明。驟耳聽來譁眾取寵。獨立音樂圈中的一人樂隊thepancakes（即dejay），由自資出碟引來外國Label（西班牙的ElefantRecords）合約一份，到電力公司找她做廣告片女主角，算得上傳奇一樁。而假音人亦算一班奇人，短短訪問中筆者已能感受得到。
記者：吳小明 攝影：陳穎
由前樂隊「鹿鳴春」兩位成員，加入新鼓手及Bass手各一位而成的假音人，組成已有四、五個年頭，何解到今日才出碟？主音陳浩峰：「我們之所以叫『假音人』，就是因為我哋嘅音樂取向都好唔同，每個人都有自己的生活、角色及身份，所以定名時便想到Impersonator這個英文名稱，中文即『扮人的人』；而我們又是玩音樂的，所以便叫自己做『假音人』。」鼓手肥仔明：「我哋嘅音樂其實好簡單，主要都係一齊Jam出來，呢度諗幾粒音、嗰度寫幾句詞咁慢慢砌出嚟，所以我哋嘅音樂其實無乜話係邊種類型，亦都唔想有乜嘢定位住。」
就如肥仔明所講，他們喜歡玩音樂亦喜歡出Show，但這份興趣跟出碟關係不大，今番終於出碟，實在有若出花紅般歡喜。問他們未來計劃四人都無一致定案，但好肯定的是大家都喜歡出Show，好享受跟台下樂迷分享。他們的表演在獨立樂隊圈中都有點Noise㗎，而筆者有朋友就話浩峰把聲「好難頂」，浩峰則回應謂：「我知有人鍾意有人唔鍾意，呢樣就一定㗎啦，但無所謂啦，自己樂在其中就得。」肥仔明說：「最希望做到嘅嘢能Surprise到自己。」好！就這麼說。