張栢芝、徐子淇和黃伊汶等人，昨日在灣仔會展為時裝設計師PacinoWan的服裝騷行天橋，被安排任壓軸嘉賓的栢芝穿上一襲長裙、頭戴小后冠並配上鬈曲假髮，化身成小公主行騷。現場所見，栢芝心情輕鬆，更向台下觀眾伸脷扮鬼臉及大送飛吻。
近日有消息指栢芝有意退出娛樂圈，但她日前已否認。
昨日栢芝謂已查出誰是放料元兇，她說：「我係正人君子，唔會講佢個名，我知發生乜嘢事，呢啲係一次挑戰。我張栢芝唔係一個膽小嘅人，會面對公眾同工作，當係訓練自己勇氣。」
問栢芝可會跟放料人對質時，她說：「冇呀，我在明，人哋在暗，天有眼。」栢芝的一句「天有眼」，正是其舊愛謝霆鋒近日經常掛在口邊的口頭禪。
霆鋒已決定暫別娛樂圈一年，問栢芝可覺得他有所改變時，栢芝說：「如果人唔會變，咁三十歲都飲奶嘴啦！不過，人哋嘅嘢我唔理，唔講，只會支持。」可覺得今次霆鋒言退受到諸多掣肘？栢芝說：「唔知，你哋問番英皇，我係中國星㗎。」
採訪：王連連 攝影：陳志嵐