NikeLeague噚日移師旺角九伊比賽，如果好似我Dr.Fun咁，有睇開本地籃球嘅球迷一定知道，殘殘舊舊嘅九伊無論燈光同設備，都比唔上修頓；不過九伊場細，嗌起上嚟迴音特別大，有氣氛過修頓好多。好似噚日就多咗批上咗年紀嘅老球迷。計我Dr.Fun話，𠵱家經濟唔好，有冷氣歎、又有免費波睇，咁嘅免費娛樂去邊度搵呀。