呢排董生真係紅到發紫，事關書展期間剛出了幾本同董生有關的書仔（當然係鬧多過讚啦），幾日後又有一本搞笑的漫畫面世，書名叫做《香港滅亡之謎》。董生睇完可能激到暈低都似。
本書嘅古仔係話，香港長埋深海3200多年後，萬能嘅董博士破空出世，好想知道傳說中一度非常繁榮嘅香港，何解在其先祖董巨人先生領導十年後，一夜間覆亡呢？於是董博士帶同「小拳」（煲呔？）、小葉（保安隊長）、蟲蟲三名心腹，組成探險隊，直闖南中國海的深海，首先見到一尊八萬五千呎高的「董巨人」石像，再找到紀錄了香港滅亡前十年各種大事的「深海古卷」。
睇過本書嘅人都話條橋都幾新，幾過癮，不過啲畫就麻麻，有些少似那個好耐冇喺《蘋果》畫漫畫的李沙華。作畫嘅叫「甘爺」（同甘小文冇關係嘅），度橋嘅叫「小黑」，聽講兩個都係前度傳媒人。
傳真︰2623-9278
電郵︰