八方噚日同大家報料，有人話阿松同伏明霞兩個星期前已經秘密註冊結婚。單料一出街，噚日就有記者向啱啱參加完集思會嘅阿松求證。照道理，答案只有「係」定「唔係」，但阿松馬上木無表情，講咗四個字：「私事唔答」。八方聽聞，有記者唔容易放棄，再追問財爺發言人。以下就係記者同發言人之間嘅對答。
發言人：「阿松今日咪講咗『私事唔答！』」記者：「咁聽日再問呢？」發言人：「都係回應『私事唔答』。」記者：「咁後日問呢？」發言人：「一樣係『私事唔答』。」
關鍵就在佢始終唔肯正式否認。
傳真︰2623-9278
電郵︰