「個仔九月升中一，我睇過張書單，啲書要成三千蚊咁貴，雖然社署會畀大約三千蚊開學津貼，不過重未計做校服同埋其他雜費呢，好彩個仔生性，主動話要舊書。」四十五歲的黃太面露安慰笑容；其十二歲幼子恩奇靦覥地說：「我計過有一半可以買舊書，我唔介意用舊書，有得讀就得。」
恩奇讀書成績十分優異，小六畢業試全班考獲第一，得以升讀心儀的中學；然而，他的父親黃奕豎卻已無法分享兒子的喜悅。多年前患上血管閉塞並已切除雙腿及十根指頭的五十二歲病漢黃奕豎，月前返回廣州鄉間養病期間，因為突發性心臟病死亡，令黃太哀慟不已。
「佢啲後事搞掂晒，我同佢喺廣州殯儀館買咗個位，好彩當日得你哋蘋果基金撥一萬蚊畀我，先至搞掂個葬禮。」黃太說。另外，蘋果日報慈善基金已將讀者捐款合共三萬三千四百三十元，交予黃太簽收。
黃太對於善長的恩澤，深表謝意。她表示，其在內地的二十二歲中度智障次子，現由長女負責照顧，惟其女兒亦有家庭負擔，因此她每月均需節衣縮食，扣起部份綜援金寄返鄉間以作次子的生活費，讀者這筆捐款正好減輕其負擔。
「另外，會留番啲畀我奶奶，佢成七十幾歲，冇咗個仔，喺鄉下冇人照顧都好淒涼。」黃太歎道。 捐款編號：C0078
暖流熱線
電話:29908688
傳真:23702192
電郵:
網址：