西鐵主席田北辰噚日帶埋個女去香港仔中心嘅露天廣場，出席人氣偶像陳冠希舉行嘅「希望之旅簽唱會」。原來田北辰位千金係陳冠希嘅fans，八方八到原來佢哋重喺香港讀埋同一間國際學校，不過田家千金就比陳冠希年輕七歲，都算係校友嘅。
田小姐噚日喺活動上當然有簽名優先權，佢重享有喺後台同偶像影合照嘅機會，真係恨死唔少fans。作為嘉賓嘅田北辰亦對陳冠希讚不絕口，話佢好有型又有潛質。睇嚟田家父女對緋聞多多嘅陳冠希印象都唔錯。
由於呢個活動係幫兒童心臟腎病基金籌款，田北辰樂善好施，大筆一揮，即場捐出一萬大元。
（圖）田北辰（右一）同個女（右二）喺後台同陳冠希合照。
傳真︰2623-9278
電郵︰