五十二歲的抗癌勇士羅文（籮記），大前日入院留醫，雖然籮記助手阿東和前助手Terry，均指籮記只是做身體檢查及小手術，他食得行得走得，一切安好，但阿東和Terry二十四小時輪流在醫院守候，籮記的情況難免令人擔憂。
羅文大前日入院後，其助手阿東及前助手Terry一直二十四小時輪流在醫院守候。前晚十一時許Terry離開瑪麗醫院後，昨日上午九時半左右再到醫院，接替阿東陪伴籮記，阿東約上午十時許離開。
記者問阿東籮記的進展如何時，阿東說：「情況幾好，佢一覺瞓到天光，瞓咗七、八個鐘頭，但幾時出院就未知，可能今日係星期日，醫生未巡房。其實籮記做咗小手術，將連接住腫瘤嘅血管切除，但我要尊重醫生意見，唔講得病情，總之大家唔使擔心，籮記食得行得走得，一切安好。」
有消息指籮記找高人邱天緣點燈，阿東對此直認不諱說：「係，喺屋企點，邱師傅重帶咗啲聖水畀籮記飲㖭。其實籮記好想出街吸吓新鮮空氣，但有太多記者跟住佢，今次想話入院休息，又畀記者發現。」
昨日除阿東與Terry在醫院陪伴籮記外，楊受成與張徹太太，亦分別前來探望，其中楊受成在中午時分先拿一袋東西給籮記，下午四時左右，他又着保鑣送補品到醫院。不過，楊受成在探望籮記時，只逗留了二十分鐘便離開。
記者問楊受成送甚麼給籮記時，楊受成未肯透露，他只說：「籮記精神好好，之前佢做咗小手術，我諗呢一兩日可以出院㗎啦。」至於他何以如此匆忙，楊受成表示因為醫生正在為籮記檢查身體，不便逗留。
採訪、攝影：娛樂突發組