李彩樺(阿Rain）、方力申、陳文媛、余文樂等昨日到旺角新世紀廣場出席「夏日人氣歌手頒獎典禮」，阿Rain昨罕有地駁了長髮以低V露背裝出現，令人眼前一亮，連方力申都大讚說：「阿Rain好索，佢好少着成咁，自從佢減肥之後已經令人眼前一亮，我覺得佢值九十分。」
問到阿Rain是否其心目中的公主時，方力申直言道：「都係㗎，當然唔係完全啦，係就追咗佢。」至於會否展開追求，方力申就說：「梗係唔排除，個個女仔都有可能，我會留有餘地，唔會斷絕後路。」
而阿Rain表示今次造型是配合下張唱片的形象，事前她已經做足安全措施，所以不怕走光。至於好朋友林峯是否讚賞其新形象？阿Rain即急急說：「冇！我哋好耐冇聯絡。」
採訪：駱華齡
攝影：仇志德