八方前晚百無聊賴，走咗去尖東嘅網吧湊吓熱鬧，估唔到撞見民政事務局局長何志平上網吧打機。不過，何局長一身白恤衫、黑西褲，好似同個場唔係好夾。八方再望清楚，局長身邊原來有幾個新聞官傍住，久唔久又同旁邊班後生仔打牙骱，不過班後生好以唔多識佢，重要佢自我介紹。網吧老細就食住上，猛咁話經營困難，何志平就話第日研究規管法例時，一定會致力平衡經營者利益。八方見到何局長一上網就收唔到手，足足玩咗二十分鐘，之後重去咗另外兩間行㖭。佢笑住同八方講，打麻雀比打機好玩啲！
﹙圖﹚網吧內嘅青年唔認得何志平。
傳真︰2623-9278
電郵︰