紐約工幹掃貨百件<br>琦琦最愛花技招展

紐約工幹掃貨百件
琦琦最愛花技招展

名模琦琦早前到紐約工作之餘,還在當地的fleamarket購買了大量古着及配飾,其中她永恒的心頭好是花朵圖案。今次琦琦便以這批戰利品,與她衣櫃的服飾自由配搭一番。琦琦家中衣櫃的藏量驚人,並集各時裝重地的精粹,她還大談多年來從外地購物的心得。

名模琦琦早前在紐約工作之餘,更在當地大小fleamarket狂掃過百件vintage和costumejewellery等。今次琦琦便特別以紐約購買的戰利品,配襯她衣櫃中的精選品牌,展示個人風格。

愈繽紛愈好
琦琦穿過不少中外品牌、各式名師風格,但她最鍾情的是色彩豐富的衣飾,花朵圖案更是永恒心水。琦琦說:「平日我鍾意着得colourful,感覺好開心,重有我好鍾意花,無論係大花、碎花布,floralprints、beading同繡花都咁鍾意。」
琦琦的巨型衣櫃有二、三百條牛仔褲、各式軍褸、數不盡的繡花衫,以及各種風格的配飾,這統統是她從英倫、紐約、巴黎、泰國以至上海搜購回來,衣櫃一如聯合國,並且是時裝大熔爐。

米蘭花錢快
說到多年來外地購物心得,琦琦說:「巴黎唔係好多嘢買,但買帽、首飾係首選。紐約買嘢冇得扣稅,價錢唔算抵,但如果你買vintage就有好多選擇。米蘭主要係買designerslabel,款最齊最好,使錢都一定最快。反而香港shop揀啲size好細,褲唔夠長、鞋唔夠大,對我嚟講選擇唔多。如果買刺繡嘅衫裙,去上海、北京會有好好收穫。」

嬉皮優雅各有情操
琦琦對五十年代的優雅風尚最情有獨鍾,她說:「我鍾意三十年代Hippies嘅瀟灑自我,七十年代都OK,但係個人最欣賞都係五十年代嘅優雅,嗰份classic𠵱家根本無法學得到,因為現代人嘅氣質唔同咗。最冇好感係八十年代,既冇個性,只有堆砌。」
琦琦心目中衣着最具個人風格,最出色的人辦是積琪蓮甘迺迪(JacquelineKennedy)和甘迺迪媳婦嘉露蓮(CarolBasset)。
採訪:DebbieLum
攝影:MatthewLam
髮型:KelvinKooofHair
服裝:琦琦提供
場地:Hair(銅鑼灣)