上個星期五對伏勝同埋好多散戶嚟講，肯定係「股殤」日，眼見一隻又一隻細價股喺大量沽盤下跌咗三成幾，成個魚缸被染到一片血紅。
上周五好多隻無端端俾人掟咗落嚟嘅股仔，其實都非常無辜，班大戶非常之唔順氣，聽講話佢哋已經部署緊喺呢幾個拜禮，會以行動嚟向市場證明，佢哋啲愛股唔係「臘鴨」，更加唔係垃圾。就好似啱啱喺四月尾先因為送過股嘅德信科技（1228）咁，之前股價喺1蚊樓上，「調整」至四毫幾子後，上周五又遇啱細價股股災，喺全無先兆下俾啲散戶隊咗落黎三毫五仙半收市，足足跌咗一成三有多。
班行家話，好彩今次跌落嚟隻股無乜成交，如果唔係就好難救得番，重話如果啲細價股可以企番穩嘅話，隻股絕對有機會升番上去五毫字樓上喎。
雖然今次「事先張揚事件」對於啲專炒細價股嘅散戶嚟講構成極大嘅傷害，不過有行家就覺得對部份真係掂嘅殼股就冇乜影響，因為喺班買家完全唔再考慮啲垃圾股後，市場上真正嘅靚殼即刻所剩無幾，所以喺求過於供嘅情況下，有料殼股嘅前景係不可忽視。就好似隻做電器分銷嘅第一珍寶（073）咁，聽講話已經成為好多國內公司希望買殼目標，呢隻股仔舊年4月俾人斬完倉
3