陳曜申請破產，離開香港，女兒陳小韻前晚出席Bossini太子女羅可璇新概念店開幕禮時，直言母親朱韻琴非常擔心白頭陳，但陳小韻表示不會代父處理破產文件。
由Bossini太子女羅可璇投資過百萬、位於銅鑼灣的ZtampZ概念店前晚開幕，不少圈中年輕一代如施念慈、安雅、胡敏珊、啤妹蔣怡及身穿吊帶針織裙的陳小韻亦有捧場。
陳小韻父親陳曜旻（白頭陳）申請破產，與父親關係一般的小韻亦表擔心，但不願多談，她說：「Daddy？唔好問呢啲嘢啦，多謝大家關心！」會否覺得章小蕙連累父親？她說：「你哋唔好咁啦，我唔想答呢啲嘢。」
問陳小韻父親破產可有影響她的日常生活？她平淡地說：「我從來都係自己理自己，慣咗啦！不過都有同Daddy聯絡。」至於母親朱韻琴可有擔心白頭陳？「當然會擔心啦，就算我身邊嘅朋友都會擔心。」至於父親何時回港？小韻表示不便透露，申請破產涉及許多文件，她可需為父代勞？「冇可能要我處理，我都唔識理，Daddy有律師幫佢搞。」
此外，安雅前晚表示最近忙於拍戲，不會出席蘇永康演唱會，她因拍戲而要脫下脷環五、六天，現在洞口已埋，需忍痛再穿過，但卻無膽學同劇的MaggieQ穿乳環，安雅說：「唔會穿啦，因為穿咗乳頭會變硬，我又唔想乳頭有個窿，而且我身體其他地方有環，好足夠喇！」
採訪：林妙萍
攝影：陳烱威