為爭取更高之市場佔有率，富豪車廠最近正密鑼緊鼓，研製全新V90旅行車；據聞新車造型不但貫徹富豪汽車原來嘅豪邁個性外，比V70還要大嘅尾廂設計，亦能為乘客帶來更多方便㖭。
消息指出，全新V90造型極具豪邁氣息，而且重帶有點同廠S80及S60影子；由多盞圓燈所組成嘅頭燈配搭，望落炯炯有神之餘，開啟幅度甚大嘅尾門組合，上落行李時亦倍感方便。然而，闊大車廂空間亦為新車賣點所在，除前後排空間寬敞外，尾廂空間亦較現行V70車系大約10%，擺放大型行李變得方便；當然唔少得重有多種安全設備，以確保車上乘客安全啦。另外，廠方為迎合不同用家需要，預計將會為新車提供多個引擎配搭選擇，包括有全新3.0公升（225匹）型號，另外重有輸出超過300匹嘅4.0公升V8引擎，用以驅動此車可謂綽綽有餘。新車有望於2005年推出，有興趣嘅車迷就要拭目以待喇。